سلام يالزيدي ولو صار ما صار = هذي شيمنا كان تجهل شيمنا
نحفظ حقوق الجار بالدار لو جار = ولانشتحن لو اشتحن وامتحنا
نرخي له الجانب وبالطيب يختار = في شامنا يختار والا يمنا
وأنته تزور أوطان وتردد أشعار = وتشوف بعيونك معالم وطنا
لكن شيطانك يوديك للنار = واللي يدوس النار لا لا يونا
سويت لك شارع باشارة ودوار = ومع عاكسين السير دايم معنا
ماتستمع للشور ولاتاخذ اشوار = تمشي على عمياك في كل فنا
لكن على هونك ترى ماانت بيطار = ولاانته مهنا كل ليلة تمنا
لد بعيونك كان ماشفت سنجار = وأحسب حسابك كان بالقاف غنا

الفعل لا صار ما هو مثل وقع الكلام = عيب ٍ على اللي يقوله كان سر وجهر
انته محنك ولا انته من عموم العوام = وان عيوني تمنى شوفتك من شهر