اقتباس من مشاركة محمدالعجلان (المشاركة 2888812) علومي ابرك للحمل كانك بعير=عساك بالحمل المدبل تقومي مرحوم ياحبس الظعن سالم الزير=محد طلع لك ياقوي العزمي

انا تراني من سلالة مناعير=كانك معود للحمل ومحمومي
هذاك فارس قايدً للطوابير=لا سل سيفه قامت ايديك تومي

الله يرحم محتمين المظاهير=ياعنك ماهم يالرشيدي رخومي
يابو اربعه جنحان وشلون بتطير=عكف المخالب فوق راسك تحومي

اقتباس من مشاركة محمدالعجلان (المشاركة 2888818) الله يرحم محتمين المظاهير=ياعنك ماهم يالرشيدي رخومي يابو اربعه جنحان وشلون بتطير=عكف المخالب فوق راسك تحومي

والله يرحم من يسل الأساطير=اللي يابن عجلان منه امهزومي
يابو اعجله ترى الحرار المشاهير=ماهمها والله طوال الخشومي

ربعك تراهم يقبلون المعاذير=ارتاح غيرك من يسد اللزومي
تبا الحقيقه ماحصل منك تقصير=لكن لك ربك غفور رحومي

اقتباس من مشاركة محمدالعجلان (المشاركة 2888823) ربعك تراهم يقبلون المعاذير=ارتاح غيرك من يسد اللزومي تبا الحقيقه ماحصل منك تقصير=لكن لك ربك غفور رحومي

ربعي ترى مالك معاهم مخاشير=عدوهم وقت المعارك خزومي
قلت الحقيقه مير وضعك ترى غير=ياللي تحلم خل عنك الحلومي