كلن نشد عن عمده الحي وينه = ولا به خبر عن طيب الذكر لله
احد ٍ يقول انه يزور المدينه = وأحد ٍ يقول أنه سكن له بفله
والعالم الله والخبر في جهينه = تمسي بلا شي ٍ وتصبح بحله
وانا بدالي ما تخفي يدينه = من ما يجي في صفحة المستقله
عنوانها ( قص اليدين اللعينه ) = ومضمونها والله ما ارضى المذله
واللي يدور بالزمن من يعينه = يبشر ويلقى بالزمن من يدله
واللي يعقد الحبل بمساعدينه = غيره بدون مساعدينه يحله
كل ٍ على دينه ولا احد ٍ ندينه = لكن ترانا شعب مذهب ومله