مر راع الفحل تاجر من التجار // قال هذا حرام يقرب حماها

قال مابه وصوف يمين والا يسار // القصاصيب تربح يوم تجناها

انت شاعر بلد لكن من الزوار=والرياجيل دايم تكرم اللحاها
ياجحا لا تبلّشني على المسمار=المسامير غيرك ناس تبغاها

انت مانته معزب لا يطيش عيار // اصبر شوي وعيونك تحلواها

خل مسماركم بجداركم يا جار // كان قدرتنا قدام تلقاها

كيف ابااواصل مع اصحابي المشوار=واكثر اصحابنا ايديها بعلباها
انت لا تلعب اللعبه على الشطار=رد عينك على رجلك وماطاها

مالك اصحاب لو تحلف ثلاث امرار// وانت فالواجبه ما تكسب رضاها

وجهك ابيض ولا نلقا معك تذكار // بعد لحظه سوالفنا نسيناها

كان تبغى الحقايق ماعليها غبار=مابقى من المعاني غير ذكراها
انت مزنه مطرها هلته مدرار =ساقها الله على ناسً تحراها