ترا الذيب الاشهب لو علي الدرب زاد عواه = مارد القوافل يوم تاطا سباريته
توصي فضيخ القلب ولا يحفظ اوصاه = لا فاحت دلاله واستوت حط حلتيته

ترى العرف يا العراف قامت تطيح اشلاه=ما دامك يا قاضي لا وصلته ولا جيته

انا ماني اللي يامر المسلم وينهاه=ولاني وكيل الخلق في حيه وميته

ياليتك تصدقني قبل تدخل المضماه = صميل الشقاوي قلت لك كيف شقيته

لا شفت المولي يابن الاجواد لا تتلاه = وش اتدور بحثل الولد يوم ناديته

ترى اللي يشب النار لا ولعت تصلاه=تبا تاكله ناره ليا شب كبريته

خذ اللي تبا في عرف والرجل حسب ارياه =لو يزوج الانسي بعرفه لعفريته