ياقلبي اصبر لاتحدتك الاقدار=واسال ولي بالسماء لك يعيني

والله ماسوى سواتك ولا شاب = اتولع النار وتهج وتبرى
واضحك على اهل الحب واقول كذاب=والله كنت اضحك بهم واتزرى
شربكتني يازين في شبك الانشاب =الله وكيلك سو بي ماتورى

طعت العواذل وانا يازين حبيتك=وثقت بك ياحبيبي وانت محتالي
وان كان حبيت غيري جيت هنيتك=حقك على المعزه رغم عذالي

ابتعد عني ما احبك وش تبي بي= قدرك الغالي رميته بالثرى

ياوجد حالي وجد مرضان شاف الويل=يراجع طبيبه كل يوم ولا فاده

اجلس بوسط الناس واذكرك واروح=اخاف تفضحني دموع بهميله
ليتك تجيني يابعد كل مملوح =واجلس معك لو هي ثواني قليله

ان غاب غيرك يفقد الكون أنسان=وان غبت عني افقد الكون كله

هندي قال في الحب:

"الهب سيم سيم فلفل بس واهد فرق
فلفل هرق لسان والهب هرق قلب "

هبت علينا الصبح نسمه=جات من صوب المحبين
انا مولع وانت زحمه=ذبحتني من دون سكين

اتركيني واقف وسط الطريق=وارحلي عني وخليني حزين

والصبح ماشي مع الماشين=وفالليل تتكي على الطاره
ومن الدلع ركب اسطبين=ولولا الحياء حط نظاره

يا استاذ علمني اكتب الخط واقرآه=من شان اراسل صاحبي زين الاوصاف
قلي قل ابجد قلت قلبي يتوجد=على وسيع العين ابو حجيج راف
قلي قل هوز قلت ود اتجوز=على اللذي له بين الاظلاع مصياف

غالي وتبخل علي وتطول الصده=الله يسامح غلاك ويلعن الحاجه

لخان ودك من تعزه عن الروح= معذور لو صديت عن باقي الناس

هل الشهر وازدادت العين بأشرار=واشارت العبره ببادي شهرها
واشارت العبره دموع من النار = وعيني تزايد دمعها من قشرها
امسيت قلبي تقل في غب الابحار=تضرب بي الامواج غبة بحرها
تضرب بي الامواج في غب الابحار= تومي بي اوماي الهواء في شجرها
على حبيب عنه ماعاد نختار = اللي معاليق الضماير مزرها
ابو جديل فوق الامتان نثار = والخد نوار تعاقب زهرها
وعين اشقر لاشافه الجول ماطار= لادق في جول الحباري عسرها
ما دوجت بالسوق مع كل عطار = ولا علقت عند المصور صورها
ادعج غنج عوده طري تقل جمار = اصفر عفر كن القمر في نحرها
اتلى العهد فيهم قبل شهر الافطار= مع ضف عربان تنحت ديرها
اقفى ولاجاني منه رد الاخبار = حتى الطراقي مالفو في خبرها
يقول سعدي في تماثيل الاشعار = الله من عين تزايد سهرها