يابدر لو كنيت بالصدر حاجه = لابد عنها الناس يابدر يدرون
يابدر برقبة البعير انعواجه = لو حاولوا يابدر فيها يعدلون
يابدر قل وضاق وقت المواجه = والناس لاقل المطر يستغيثون
يالي سماكم صحوّ مثل الزجاجه = ياليتكم يمة سمانا تلدون
اللي علي شمسه تحوم العجاجه = اتضيق الي عمرهم مايضيقون
زحمة مدن ومعاملات ولجاجه = ومصانعٍ تطلق علي الجو كربون
ترعد ومنها الارض فيها ارتجاجه = وان نامت العالم عليها يزيدون
من شان كلاً يفتخر في نتاجه = ولو هيـــئــة البـيــئــه عليهم يصيحون
يابدر يارسي وفلة حجاجه = ياكيفي الي ماهو دله وغليون
ولا هو علي ماقيل كيف الخواجه = اللي هله في كل شارع يهيمون
لا والله انه غير عظمه وعاجه = تركيبةٍ عنها الاوادم يعجزون
وكلٍ علي كيفه يعدل مزاجه = طبع البشر من خلق يابدر هاللون
وانا علي ضوك لقيت اندماجه = افل مسباحي وعد علي الهون
ياخذ علي مركاي ظهري مساجه = وقول ياوصحي عذاب ابن لعبون
الجرح لامنه توفر علاجه = وش عاد يطمح له بنادم بهالكون

والله والنعم ومليووون نعم فيك يالمعزب

شاعر جزل وممتع ومبدع ياولد خطيب الجماعه

أنشهد
وصح لسانك ولا فيك حيله
وصح شعرك وطاب إبداعك وفكرك واختيارك
//

وشكراً لك ياعبس 404 على هذه الأستضافة وهذه الجهود