اقتباس من مشاركة مرآهيش (المشاركة 1727942) فضي البرآكـ حضورك نقاوته عاليه وجاذبيته فعلا نـادرة دمت للأبداع متنفساً راقياً عذراً على اقتحـام محرآب ابتهآلآتكـ الهآدئة

وحضورك أجمل .. وأنقى .. وأبهى ..

شكراً مليار ..

اقتباس من مشاركة مرزوق العجوني (المشاركة 1728078) اسمح لي ان اتابعك بصمت واستزيد من ثقافتك

يافارس القوم .. لا تشكي لي .. أبكي لك=أحس مافيك .. لا تبدي لي أسرارك
مالغربة أنك تعيش بدار ماهي لك=الغربة أنك تعيش الغربة بدارك
أن مت .. مذبوح .. زين .. الناس تدعي لك=أما عن الثار ماحد ياخذ بثارك

القلب يدمع لو أن العين ماتدمع=والنفس تجزع وكثر الغبن يوجعها
والصبر على الهوان المر .. ماينفع=والصدر به زفرة ماعاد ياسعها
والعين شافت وياليت أن الحواس أربع=عين الغبينه نظرها ما يمتعها
ما ظني إنا نشوف ولا بعد نسمع=أرض تعب صوتها والذل لوعها
فيها الطغاة اليهود اللي لقو مرتع=قامت توسع وتحلم في مطامعها
صبو .. لها الموت بالرشاش والمدفع=لين طعنو قلبها وأدمو شوارعها
قامت تضيق وتضيق .. وحلمها .. أوسع=مدري متى مع شتات العمر نجمعها
يآآآآأمة الضآآآآآآآآد والغايب متى يرجع=سؤاااااااااااااال في فم (فلسطين) ومدامعها
الى متى نجتمع جملة ولا نجمع=ونقوووووووووول حنا على بيض الورق معها
وشلووووووون هالصمت وأطراف الجسد تقطع=هذي (فلسطين) تشكي من مواجعها
نشوفها حلم مامثلة ولا أروع=تمد .. يدها .. ونعجز لمس أصابعها
نقول متى العدو .. متى العدو .. يطلع؟=ونقول متى نصلي في جوامعها
والقول هالوقت لا يروي ولا يشبع=خلاص سدت عن أصواته مسامعها
نعم فلسطين مالا أحدٍ بها مطمع=لا زم تعرف العزيزة وين موقعها

نامي منام العافية مسندك ذيب=ماتنحي لك دام أنا حي هامة
نذرً علي بروسهم لأزرع الشيب=وألعب بهم لعب الصقر بالحمامه
يابنت نامي وأهتني بالمشاريب=مني السلامة ماتجيهم سلامة
للظلم رب وللملاقا مخاليب=وللفوز باب وللهزيمة ندامه
وأنتي ولا بك من خلقتي عذاريب=أطهر من رشاش المطر بالغمامة

يمكن لو أنه حي عيني تشوفه=مير البلى مايلتقي ميتٍ وحي

أنا ماني أكبر منك .. لكني أخبر منك=وفرق العمر .. لا شئ .. مع فارق الخبرة
يجي يوم تطلب فزعتي فيه غصب عنك=وأدلك على المخرج وأعلمك بالدبرة

قل للغريب سنين والغربة عليك تدور=أصبر وأصابر وأحتسب .. قله : ولا تحتار
ماهيب غربة يالغريب إليا فقدت الدور=غربتك لامن ضاق بعيونك وسيع الدار

وش رجعك .. لاتقول هالشوق غلاب=عذرك .. إذا هذا .. ترى ماقبلته
لأن السهر عشعش على روس الأهداب=وثقل الألم من فوق الأمتان شلته
تركتني .. مطعون .. ملتاع .. منصاب=شف صورة الذكرى .. وشف ماعملته
أكرمتني بالصد وأنواع الأتعاب=طيب .. أنا .. هو .. فيه .. شئ .. بخلته
لا تقووووول لي حنيت .. والحب .. ماغاب=الحب قبل تروح بيدك قتلته

اقتباس من مشاركة فضي البراك (المشاركة 1735117) قل للغريب سنين والغربة عليك تدور=أصبر وأصابر وأحتسب .. قله : ولا تحتار ماهيب غربة يالغريب إليا فقدت الدور=غربتك لامن ضاق بعيونك وسيع الدار

كلمت من هو تشتهي .. نفسك .. ونمت=وأهملت .. من لجلك .. سهر طول ليلة
الله يهنيك .. بهوى من معه .. همت=وآنا لي الله .. بالليال .. الطويلة

لو قلت عود أخاف تعود تلقاني=بيني وبين الوفاة (أرق) من شعره
الموووووت ماهو غياب أنسان عن ثاني=الموت يعني .. وفاة شعور .. ياااااطهره
مني وعد يـ (الرياض) إن الله أحياني=لأعيش لكن ... بدون ( أحب أو أكره )
ماعاد بي حيل هذا الليل أعماني=عذراً .. أنا يالرياض .. مطووووول .. السهره

ضيعت مستقبلي من شان (محبوبه)=واليوم راحت لابو المستقبل الزاهر
ضيعت ثنتين : مستقبل .. ومحبوبه=وياشينها يا ملا جرحين في خاطر
لو كل عاشق لقى شفه ومطلوبه=كان البلد ما خلق فيها ولا شاعر
يا قلب وش فيك ما تعزم على التوبه=ما دام من حب واوفى للهوى كافر
خل الهوى العف واول وآخر ذنوبه=وارحل .. وهاجر .. ترى يرتاآآآآآح من هاجر

عطني سبب واحد يبرر غيابك=وأعطيك عذرٌ ما حكي به ولا سمع
ياساكنِ بين السلام وهلا .. بك=ويامبعد .. بعد القناعة عن الطمع
بليت شرهاتي بكثرة عتابك=حتى جمعت مفارقك .. والسهر .. جمع
مدررررري وش أحكي .. يوم شوقي رضى .. بك=الغيم وصل .. وبارقك .. ناقصة .. لمع

اقتباس من مشاركة برق الوسم (المشاركة 1738797) ابوفيصل متابع لما تخط اناملك هنا ... كنت اتواجد هنا بأستمرار (كزائر) فلتعذرني لانني اخشى الكتابه ولااثق بقلمي خاصةً بالكتابه عن المبدعين أمثالك .. تسجيل متابعه فقط .. وتحياتي لك يارائع ...

أية أدري أنك تبي الفرقا .. وناويها=وأيه أدري أني بعد فرقاك خسرانه
ياصاحبي كل حاجة نتفق فيها=إلا .. موادع عيون الخل .. خلانه

يقولووووووون : مايبكي على المقفية رجال=وأنا آقول جعل قلوبهم مالها والي
هي الحين صارت راعية بيت وأم عيال=وآنا الحين مثل : أول على خبرها حالي

الدقيقة بالهلل حول أربعين=والرسالة من ثلاثين وتحت
يعني .. لو .. دقيت رقمي مرتين=لا تحسب أن الأتصالات ربحت
والله أني مابي إلا كلمتين=مرحبا بك وجعل الأحوال صلحت
مايخيب اللي على الله يستعين=والوجيه اللي من الناس أستحت
أنت عندي وين وكل الناس وين=لك محبة بالموازين رجحت

يازمن متى عن القسوة تلين=وياحبايب فرصة العمر سنحت
جيت كلي شوق وأحساس وحنين=والمشاعر في مشاعرها فرحت
كل مالديت صارت كل عين=أرتكت حتى عن اللغير نجحت
ضعت معها يسار والوقفة يمين=لين صارت (....)شوق وبحت

يذكرني القمر ظلك .. عجب .. ياللي ظلالك نور=أنا اللي ماعرفت الليل لولا عتمة أهدابك
حبستك فـ ،، السما .. شمس وعلى وجه السحاب طيور=ونخيل ٍ باسقة تشرب رضاك وتعطش عتابك
وجلست آناظرك .. مارف لي جفنٍ تقل .. مسحور=أقول أن الجمال إنتي .. وكل العشق بأسبابك
هقيت إني ملكتك .. مادريت أن الأماني غرور=وأنك في يدي .. لين أنتحابي الوقت .. وأقفى بك
سقى الله يوم كان أكبر همومك خاطري المكسور=وكنت الضي .. في عينك .. وكنت السقم بثيابك
عيوني ياشقى عيوني .. من الجدب الموات البور=أراضي مابها إلا ماذوى .. وأنهد .. بغيابك
أحبك .. كان .. لي قلب يجض .. من الجفا .. مقهور=وصار اليوم يفرح .. لو .. لقى له عذر يشقابك

لا والله إلا صار ماأرجيه عوقي=غير الذي عن طلبته ماتحرج
يالله يامضوي السما بالبروقي=ويامخرج وبل السحابه من اللج
تمطرني برحمتك وتفك عوقي=وتجعل لي من الضيقات والهم مخرج
أنا مثل حر .. تخاطف سبوقي=يد .. العمر .. والياس .. والحظ الأعرج

انا من نجد عنيت الخطاوي=تسابق خطوتي نفح الخزامى
أقول لخاطري ويش أنت ناوي=يقول إجلي عن الصدر العسامى
وأنا من خلقتي شاعر وغاوي=علي قلوب عشاقي توامى
أنا عزووووووة عفيفات الغطاوي=ليا عز .. اللثام .. من اللثامى

عن كل نجم ظهر .. أبسدل أجفاني=عشان ماعيش حزني .. لحظة غروبه
وعن كل خلٍ .. طويل الصمت كفاني=الصاحب اللي قليل الهرج عذروبه
وهم كل ثوبٍ جديد .. أبلبس أكفاني=وأدله ولا ألقى رسايل .. هم .. فـ جيوبه
آنا الجفا .. ليه أخاف الناس تجفاني؟=وأنا الحبيب الذي مايعشق عيوبه
رآع الوعد .. وأن صدق مرة ولاقاني!=يحتار بين السراب وقلب محبوبه
يامن عذابه .. يشققني ويرفاني=فرقآآآآك غصبٍ .. علي .. بالحيل مكتوبه
خبرت .. نصف .. تعب من .. نصفه الثاني=بعضي رمآآآآآآآدٍ .. وبعضي النار مشبوبه

اقتباس من مشاركة ناصر الرشيدي (المشاركة 1741711) عندما اشتاق للشعر العذب امــــــــر من هنـــــــــــا لأني اعلم برقي ذائقته الشعريه اكمل أيه البحـــــــــــر العذب .

لا تنزعج .. ماودي أزعجك وأشقيك=بس القدر حكم بحكم الفراقي
أرغمني أبعد عنك .. يآآآلوووووعتي فيك=اصبر لين الله يحكم التلاقي

ياصاحبي كيف أنا كثرت عذاريبي؟=أو .. هو الزمان الذي كثرة عذاريبه
وكان الليالي مثل عرفي وتجريبي=جرح لفت به .. وجرح بد .. تاتي به

أكبر من الجرح همي ... ماهو بقده=أقرب من الضيق وأبعد من سعة بالي

قوم .. وق .. القلب .. وإلا .. قم .. توقه=ياموردني على حوض المنايا
أنت ياللي تهدي الثوب وتشقه=ما تخآآآآآآآف الله وضلوعي عرايا

أسافر عنه .. من ديره .. لديره=عساي أسلآه لكن ماحصلي

أنورت بيروت من طلة جبينك=وأرقصت يومك وطيت ترابها