انت ترد ياصقر والا اروح ترى عندي شغل واخرتني

عزالله انك ماقصرت يابوعوجه علمتك هالبحر لين عرفته وطبقته
وبيض الله وجهك وابشرك اني غنيته بملعبه ولا رد عليه احد وانت شاعر كبير لايستهان به واعتقد انك عبدالله الاشرم وترى ماني راد اذا تبى ترد على كيفك ( الكبار لايعجبها الا الكبار) للمعلوميه ترى محد لعب عليه غير حبيب العازمي ولخبط فيه لكن استمر باخر الطاروق واليوم صقر ابن عبس وابوعوجه العبوا عليه سجلها ياتاريخ هههه
نعم نعم
عقب ماطاح عجزان يبغى مدايح تذمم تذمم
اطقه واداهم ولاهو بذالف عطينا عطينا

بطنك اللي منتفخ من كثر ضرب الفرج = ضربةٍ وسق الظهر ضربةٍ فوق ازنمه

اثرك امضرى على اعويج في فمك يهرج = كل ماتروى منه تنسدح تحت اسلمه

الك نصف ساعه ياصقر مارديت
اعجل علينا

صقر عبس انت تبغى ترد والا لا

انا علمتك ماني راد واهم شيء اني عطيتك درس هههههه لن تنساه واترك الموضوع للعمالقه والنقاد حتى ناخذ رايهم ونشوف من الطالب ومن المعلم وبعض الامور
والوعد بكره بنفس الوقت باقي لك درس اخر ههههه
والله يعطيك العافيه يابو عوجه
ولاتزعل ترى كلها مزوح ولافيها محاكم وسجون وغيرهااااهههههه

يابن الحلال طاروق نواف وحبيب
يختلف عن طاروقك هذا اختلاف كلي
لاتقول انك علمتني لطاروق هذ انا كل الطواريق اعرفها قبل
انك تركب الحرف على الحرف
وتراي ابطلبك مره من المرات في طاروق خفيف وزين
بس لاتنسى كلامي هههههه

ياصقر خذها نصيحه لاتحط راسك في راس اكبر منك
وبعدين انت كيف اعطيتني درس وانا راد عليك
ومعطيك من الخوابير لين شبعت
ياخي اعترف لك انك اعطيتني درس لو ماقدرت الرد عليك لكن الله سلطني عليك وخليتك تكره طاروقك ياللي انت جايبه
لكن سؤال
هل انا مارديت عليك على نفس طاروقك
يالله العجب والردود هذي وشي اللي من اليوم وانا العب معك فيها

جزاك الله خير على الكلام الطيب

ملاحظه وانا خوك خذها قاعده الطاروق
التعجيزي هو الطاروق اللي يبداه الشاعر ولا احد يرد عليه
ولو في شطر هذا هو التعجيزي
ودمت بخير

انت تقول ان الطاروق هذا ابو ركبه
وانا اخالفك الراي
الطاروق هذا اسمه المنكوس طال عمرك

من ناحية الخوابير كلها واضحه ماهي خوابير وانا لا ارد عليها لانها حيلت الضغفاء

اما الدرس نعم عطيتك درس واذا قلت كيف عطيتني اقول ردك الاول خطاء وعلمتك بالخطاء ورديت الرد الثاني وايضا فيه خطاء وعلمتك بالخطاء ورديت الرد الثالث الى الرد الاخير رد صحيح ( يعني تخطي وانا اعلمك وتعدل هل هذا مايعتبر درس الله اعلم)

الله يسامحك ضعفاء
يعني الشعراء اللي تلعب كذا تسمونها ضعفاء
وش رايك في كلام حبيب يوم يقول للحضرمي
ابوك ثور وجدت الثور بقره وامك حسيله وولدتبك بحفره
ويش رايك في كلام عيد مربح يوم يقول لسليمان عايش
انت مثل اللي عليها العاده الشهريه
هل هولاء ضعفاء

طيب عطني بيت واحد من المنكوس منكم نستفيد

طيب ويش رايك انهم اشهر مني ومنك ولهم جماهير غفيره
ليش ماعابتهم ياللي منت ضعيف
ويعتبرون من اكبر شعراء الجزيره

طيب خلاص مدامك وصفتهم في الضعفاء
انتهينا من هالموضوع
لكن وين بيت المنكوس اللي طلبت منك
لنك تقول ان طاروقنا ابو ركبه وانا عارضتك وقلت انه منكوس
وانت عصيتني
عطنا بيت من بيوت المنكوس نبغى نقارن بينهم

وين رحت يأ ستاذي صقر عبس
ليش ماترد على سؤالي لك وين بيت المنكوس اللي طلبته منك

بحر المنكوس اول مره اسمع فيه لكن اذا هو موجود منه هذا البيت

انا من ديار السعود اللي مطله كالجبل

ملاحظه هذا البيت سمعته بشاعر المليون

طيب كيف عرفت ان طاروقك يسمى ابو ركبه
ويش الدليل اللي عندك معتمد عليه

ملاحظه كيف شاعر ولاتعرف المنكوس
غريبه
هناء سؤال اخر كم بحور الشعر
مع ذكر مسمياتها اجب على الاسئله بارك الله فيك

بحور الشعر خمسه وهي :الهزج و الرجز و الرمل و المتقارب والمتدارك كلها باللغه الفصحى

عزالله انك ياصقر عبس أخرتني عن اشغالي اليوم لكن
الى اللقاء في الايام القادمه

ههههههههههههههههههههههههههه

بيض الله وجهك خلك على هالوزنه
تصدق تو ادري اثر منت بسيط طيب وين ابو ركبه منها
اي بحر منها الهزج والا الرجز والا الرمل والا المتقارب
رافقتك السلامه في حلك وترحالك

والى اللقاء

طيب يابو عوجه البحر اللي تلعب عليه المحاوره وش يسمى باللغه العاميه او الفصحى

اسأل نفسك لاتسألني

الى اللقاء

طيب كيف تنشدني وانت ماعلمتني كيف عرفت ان طاروقنا اللي لعبنا عليه
يسمى ابو ركبه
ابي منك الدليل لاتقوم تراوغ
عشرين مره انشدك ولاتجاوب والا دخلت في مازق معي وتبغى تخلص منه

طيب اعترف من أول انك ماتعرف بحور الشعر وريحنا
ولا بعدين تسمي على كيفك الطواريق وانت ماتعرف أسماها وبحورها

حفظك الله

انا عرفته من كتب الشعر ومن الشاعر نواف العازمي سالته عندما لعب مع حبيب قال هذا بحر ابو ركبه وراجعت كتب الشعر ولقيته صحيح

لكن علمني عن البحر اللي تلعب عليه جميع المحاورات بجميع الحانها وش يسمى يابوعوجه

طيب ابن جدلان يقول

العب المنكوس واحب روباعه=ممنن بالوقت والوقت خداعي
من قصيده طويله هذا دليل انه يعرف بحور الشعر في انواعها

ماعتقد ان نواف يقول هذا الكلام واذ انه قايله لك مصرفك
يابن العم او ان نواف غلط فيه

لايوجد بحر معين يلعب عليه في جميع المحاورات
بحور الشعر كثيرها والاحانها كثيره

لا قاله لي نواف في منطقة حايل بحفله وحنا جالسين نسولف وهو يلعب مع ناصر مرسال وبعدها قاله في مقابله صحفيه عندما سألوه عن حبيب العازمي قال اناعجزته في بحر ابو ركبه وانا لا املك غير هذا البحر انتهى كلام نواف

لكن ابروح اصلي وارجع لك

طيب هل طاروقك نفس طاروق نواف العازمي
في الموال وشيله

العوج دايم عوج مايكب اهل العوج = مير انا ابى رد عوجته في داخل فمه

هل بيتك هذا مثل بيت نواف اللي تشيله الصفوف والا لا

وين راح صديق نواف العازمي

نعم الموال نفسه موال نواف بس تختلف الوقفات يابوعوجه
اما الشيله تغني اي شيله تعجبك

يابن عبس الموال ماله علاقه في بحور الشعر

نواف يقصد الشيله على بحر ابو ركبه نعم صحيح
اللي منه هذا الشطر
حجة العام ماهي كافيه
هذا قصد نواف يابن العم

تدري عاد تراك مسامح
لكن ترى الطاروق اللي لعبنا عليه اسمه المنكوس
قصدي الشيله
ونواف اذا نه قال ابو ركبه يقصد الشيله اللي تشيلها الصفوف
وهي تختلف عن طاروقك اللي انت بديت فيه
ان شاء الله اتضحت لك الرويه
ودمت بخير ياصديق ابو عوجه

يابو عوجه ترى كل كلامي من اليوم اتكلم عن الموال وانت تكلم عن الشيله
اما نواف يقول ابو ركبه قصده الموال ويقول ماحد لعب عليه قبله ابد