ياما ابتكرت لمدخل البيت مخراج= كن القصيد .. الى كتبته يـــقــول إرض
في صمتي مسبب لخلق الله ازعاج=وفي صوتي افرض.. قدرتي بالشعر.. فرض
اشطح واهذري ..وامكن الصبح بسراج= واكتب و اخاف من الله بـ(حزة العرض)
مع كل بحر .. يزيد تصفيق الامواج = والحمد لله .. عـــد مايــــــــــذّن الفرض
وان مابنى حرفي على الغيمة (ابراج) =افلت يدّي من السما... واقضب الارض

الشعر - ماهو صياح وصجة ولجة =الشعـر مخلـوق بالمذهـب .. وبالمـلـه
وانا : احساس القصيد و(شاعر الحجة)=وهذا تصنع احساس ..وذاك فاطن له
وهذا الى صفقوا له (طار بالعجة) =وهذا رفع كل صوته واختفى كلة
الله يغربل ابليس الحرف ويرجة= قبل يغمز لي ويضحك كنت فاطن له
امشي على صح واعرف وين متوجه=ونحو السما ابخص طريقي زين وادّلّه
والى كتبت ابتكر واتعب على السجة=واقرا من الشعر اصولة واقدر اوصل له
افخر بنفسي .. واقول الراي و اوجه = ويافلان ..ابوصيك عن بعض الحكي .. خلة
وسج الفكر يم حلمك والقدم .. سجة=و ألحق على الحلم قبل يموت .. و تملة