البرق لعيون المولع مناديب
.. .. .. .. والبيد لأقدام الخلاوي ركايب

وأرواحنا لهموم بقعاء معازيب
.. .. .. .. ومعزب الأرواح قبر ونصايب

سبحان من يخفي عن العالم الغيب
.. .. .. .. وخلّ الوعد مع نازع الروح غايب

كلن يسوق الرجل ويروح ويجيب
.. .. .. .. أحدن يجيب بسلم واحدن نهايب

أحدن يجيب الفود والعز والطيب
.. .. .. .. واحدن يذله كل ماكان جايب

ومن لاستر وجهه عن الذل والعيب
.. .. .. .. ماعاد يلقى لذل وجهه طبايب

ومن لاحمى وجهه قبل طلعة الشيب
.. .. .. .. محدن يعوضه وجه لاصار شايب

ولاصار ذكرك فوق روس المراقيب
.. .. .. .. خلك على دربك ترى الدرب صايب

اتصير في عيون النشاما كما الذيب
.. .. .. .. وفعيون عدوانك عطيب الضرايب

موت الفتى بالمرهفات المحاديب
.. .. .. .. أخيـيـر من حين مع الناس خايب

موتن تباكاله عيون الأجانيب
.. .. .. .. ولاعيشتن تدعي عليها القرايب

واللي نـفـوسن ماتروم المواجيب
.. .. .. .. واللي يدينن ماتسد النوايب

عذر الردي ماكل من يجهد مصيب
.. .. .. .. عود الحماطه كاسرتها الهبايب

مايخلف الهقوه اطوال الأشانيب
.. .. .. .. صحيح من قال المراجل وهايب

يربى على الشاهوب عكف المخاليب
.. .. .. .. والا الوطى يرباه بوم الخرايب

من راقب العالم يشوف التعاجيب
.. .. .. .. ومن طاول الدنيا يشوف الغرايب

غير النبي محدن بليا عذاريب
.. .. .. .. وكلن على الثاني سيوله جذايب

ما كامل إلا وجه جزل التواهيب
.. .. .. .. ولا رابح إلا اللي من الذنب تايب

كلن ذنوبه تغرق الكم و الجيب
.. .. .. .. وكلن عليه امن الليالي مصايب

ليه الحسد والغل والشك والريب
.. .. .. .. وليه القطيعة واندلاع الحرايب

يولد الأحقاد شذب العراقيب
.. .. .. .. والحقد سمن فالمعاليق ذايب

شرارتن من ملحقين المشاهيب
.. .. .. .. من ناشته خلت ضلوعه حطايب

يومون بالأمواس مثل القصاصيب
.. .. .. .. ذنبن يوقف منه قطر السحايب

لعل من يفرح بشيل المشاعيب
.. .. .. .. ويصير في فرقى الرفاقه سبايب

تقطع عراويه من الرزق والصيب
.. .. .. .. ويموت ماتنظر عيونه حبايب

وتصفى النفوس ويركدن المشاريب
.. .. .. .. لا به ذنب عقرب ولا به نشايب

هذا بعض ما علمتني التجاريب
.. .. .. .. اللي من الأيام جتني جلايب

لا كامل إلا وجه اللي يعلم الغيب
.. .. .. .. ولارابح إلا اللي عن الذنب تايب.

http://center.jeddahbikers.com/uploa...3282454681.png

إذّا بكّتْ يَفَرحْ

جَفاإفْ المَناديِلْ
وَ على إبتَسآمتهآ ...أَملْ عمَر مَكتُوبْ

كَأنك مّعزم يَا خفوقيِ تِفارق..
وِ تعلن فَراغ العَاطفة وَسط مِغليك..

ليِ شَرط وَاحد مِن جِيوب المِفارق..
عَطني مِرور الفَرحة اللي بَأياديك

00فيس متحمس (((احساسي متحمس

http://28.media.tumblr.com/tumblr_ls...a9sao1_500.gif

في جيتي / لم الصدر والحنايا
______ ثير الشتاء وعذالنا في حريقه

الجو بارد / والحنايا عرايـا !
______ استر عليها وضمها لو دقيقه !

لقيته الف مبرووك