يهواك لا مايرد قلبك مصيبه = وأنتي يبي قلبه معك لاترديه

نياتنـا .. ماتنشـرى بالدنانـيـر = ولاحنا ندور .. من وراها جزيـه
وضح النوايا .. ياخوي المسافيـر = لا .. لا توردهـا ديـار المنـيـه
لا لا تسلمها.. يديـن الشناهيـر = ثمٍ تموت .. وتصبح أكبر ضحيـه
أدخل على الله .. لاتزف التعابيـر = يم العروس .. الي هـوت للرديـه

لولا المواقف .. ماكتبت القصايد = ولولا الظروف القاسيه .. ماتغنيت
ولو لا الرجال.. أهل الشرف والعوايد = ودينٍ على شرعه .. كبرت وتربيت
أني لاطوعله جميع الفرايد = وأداهمه لو هو مكنْ .. داخل البيت