سميتني نصفك الثاني وياشحك=انا بسميك كلي وانت معناها
تعبت اوديك له يـاقلب ويردك=لا اخذ حلومي ولا خلاني انساهـا
كل الحمام استراح وناح في ظلك=والورد الأحمر سقته الروح من ماها
ليتك بعمري ثلاثة اشخاص ماملّك=واحد معي دوم وواحد روحي يملاها
والثالث بجفن عيني لا فقد حسك=او غمض الجفن جاني فيك يتباها
مو بس احبك انا والله من حبك=احب حتى ثرى الارض اللي توطاها

غربة عمر منها المشاعر عطيبات=ولجل الرجاء جربت كل الطرايق
ورد الامل في زحمة اليأس مامات=يحيه دمعن به رموشي غرايق
بصوتي أجاوب صرخة العمر بآهات=مدام حظي من عناء الوجد عايق

أسأل وأنا كلي من أجلك إجابات=كل الصعايب لأجل عينك سهاله
يضيق صدري لو بقارقك لحظات=وأصير بعدك بألف حاله وحاله
لو كنت غايب وأبعدتك المسافات=لك صاحب ماغبت عن خياله

يقولون العرب دار بلا مغليك ما تغريـــك=وأقول أنك بليا حب كنك عايش لحالك
دريت ان الغلا مثل القدر يرضيك لو يبكيك=ولا ينفعك بعلوم الغلا عمك ولا خالك
لاتزعل من اللي لازعل منك جاء يرضيك=ولا تطري كلام البعد فال الله ولا فالك

ياحبيبي ما بقى فيني جهد =أنت غالي والغلا يركض وراك
فيني ادموع الهوى برق ورعد =والأمل تبقى معي وأبقى معاك
أية (احبك) والجفا ما قد ورد =وودي اني دوم بس اكسب رضاك

لا تلومني لا جيت كلي من اقصاي

...مافيه غيـرك لا تضايقـت جيتـه

جيتك وقلبي دقته تسبـق اخطـاي

...جيتـك اقـول مفارقـك ماقويتـه

أحتاجلك لاضيّق الوقت صدري =أبيك تمسح عن عيوني شقاها
وأحتاجلك إذا الفرح ضم فجري =ودي تحس بفرحتي ياهنــــاها
أحتاجلك في كل لحظه بعمري=لاصرت روحي كيف أحيا بلاها

الــلــي مشااالك شبر قم وامش له باااع ... ونفس الرخيص بسومت الرخص بعها

معقوله أنساك "فال الله ولا فالك"=وانا من الشوق بعيوني يشوفونك
لاتطري الهجر لا يطري على بالك=إن المشـاعر تتغــير يـوم وأخونــك
بالله قلـي وعـلمنـي وش أحوالـك.؟=نسيت من فرحتي لاقول وشلونك

مشغول فيك ولاتخيلت فرقاك=عجزت لا القى للمحبه نهاية
قلت أبتعد يمكن مع الوقت ابنساك=.لكن لقيت البعد عنك بداية

هذا المسا للحب وللشوق وللمواعيد=هذا المسا في القلب شمع واغاني وعيد
هذا المسا لك انت مهما تكون بعيد=هذا المسا للحب وللشوق وللمواعيد

اختار ربعي مثل ماختار خلاني=حتى عدوي بعد ماهوب حي الله

خليتني واليوم والله لأخليك=وأدوس قلبي لين يقول خلاك
قبل توريني الحسايف بوريك=لين قالوا فلان هانك ووراك

لامتى حروف الرسايل تشتكي جور السطور=لامتى والشوق فينـا كـل مالـه يضمحـل
تدري اني في مكاني وانت يكسيك الغـرور=وتدري انه بنتظاري ما بقى للشمـس ظـل
ما بقالي غير صوتي يقتلـه مليـون سـور=مابقالي غير لحظـه بعدهـا موتـي يحـل

‎أصعب كلام الحب لاصار صامت=مثل الطفل يفهم‎ ‎ولايعرف البوح‎

ذنبي رفعت النفس بحضور شيطان=لو شفت مرسول الغرام ودعانـي
أبيع دمـي للكرامـه ولا أنهـان=وأضحك ليا كشّر بوجهي زمانـي

دورت لي شي احبه وقلت في بالي =احب همي وقال القلب روقنا
قلت انت وش دخلك بحب غربالي=اقل حاجـه نمـوت ماتـفارقـنــا

لو يطلب الشمس قلت المسألة سهلة =يامر حبيبي انا مابيه يطلبني
ان كان ما اتعب لعينة منهو اتعب له=تعبه راحة ابيه اكثر يتعبني

حبيب الحب يالحب وحبيبي=نفس روحي بعد روحي وحالي
سنه مرت وشمسك ماتغيبي=عن عيوني وعن قلبي وبالي