|
|
يا ليل عقـب اللـي ذكرتـه فقدنـاك
غابت خيوطك مـن شعـاع يغطيـك الشمس دونك كاشفـه سـر ممشـاك وأسرار عشـاق الهـوى ماتراعيـك أسألك عنهـا ويرتسـم فـي محيـاك عن مصدر أنوار القمر يـوم أخاويـك شعشع ضياها بالسمـاء ثـم غطـاك بـدد ظلامـك نورها..وانتشـر فيـك قبل أمس أحبك..وأختفي فيك..وأنخاك وأزعل عليك أحيان .. وأحيان أراضيك أبغاك أذا غابت.. وأذا جـت مابغـاك أبغـاك لا مابيـك وأبغـاك مابـيـك ياليل ماضي..مابقـى غيـر ذكـراك راح الزمان اللي بـه أحلـى لياليـك هبـت رياح..عجهـا دمـدم خطـاك ريح عتيه .. ضيعـت مـن يباريـك ياليل أنا بهديـك ..شعـري بالافـلاك وش قلت أنا (للشمس) شعر يضاهيك قلب يودك .. بيـن الأظـلاع يفـداك ولا ظن غير القلب ياشـوق يغريـك ياخاطفه .. من دون مالمـح حلايـاك وشلون لو بان الضحى فـي مواريـك ماأسمع حروفك.. لكن أقـرأ خفايـاك أفهم خفاك اللي عن النـاس مغنيـك يازين رسم أسمك..ويازيـن طريـاك باهي شعاعك بيـن بـاب وشبابيـك أهواك .. أيه أهواك و أهواك و أهواك وأكرهك من زود الغلا..غصب وأغليك |
حياكم الله ياضيوفي ياهلا ومرحبا مليون يردف مليون ارحبووووووووووووو
|
أخذت من وقتي دروس وتمعنت
حتى عرفت .. إن الفرح حبر الاقلام |
قلبي يبي حاجـة واشوفهـا عسـره= والهم عينـي ليـا نامـت يوقضهـا ياشص عظمي على فرقاه ياكسـره= وياوجد حالي على سمـرٍ ينقضهـا الغرسه اللي جناهـا فـارقٍ تمـره= جعل النوي لنحرت داره تخضخضها شيهانة الضلع خانوها وهي حـذره حطو بهـا سبّـقٍ تنتـق وتنفضهـا واليوم تسكب على خدينهـا العبـر =وان هبها طايف الغربي يرضضهـا ماعاد غير الجدا والنوح والحسـر =حسبي على اللي حزر قيده يقرضها ماخاف ربه وخلا الطير في وكـره =ماهوب مجبور يسجنها ويمرضهـا |
لاتحسب بغيبتي عنك صدّه
"هذاقدرنا " ماجمع شمل الأحباب" حتى ولوغبت"ولوغبت مدّه عن خاطري طيفك وطاريك ماغاب روحي عطتك" وبالعطا مستعدّه" حنانها كله بلا من وحساب" امسك معي حبل المودة بشدّه" وقل لمن قال "التها عنك" كذاب |
شكرا من قلب مخلص الى قلب الانسان نابض لك كل شكرى وتقدير ايه القلب
النمر1012 |
الحروف لاتسطيع التوصيف مهما قالت كم أحتاج الى ذاك القلب رائع لم اجد مثله أبدان
بين القلوب البشر النمر1012 |
منورين اللجميع لكم باقه ود واحترام
|
ماأجمل السكون الليل عندما تكون مرتاح البال
لاتنتظر للعيون النجوم للتساقط فوق الغيوم المطره النمر1012 |
القلوب لاتبصر انما تعيش باحساس نبض وعيون قدر تنعمى عندما يتحدث القلب
فلاتتبع حديث القلب لكي لاتتبع وتعيش بالتبرير لمن حولك النمر1012 |
من يجيب العلم وين بلقى وفراحت الغرير لاتبسم بالعيون الحزينه و فرحت من فرحته
النمر1012 |
يانجد انا وياك يانجد وشلون صارت علاقتنا على ارضك قويه مدري عشان الرجم للي يعدون والا على شان الهبوب العذيه والله لو سكان باريس يدرون لاشوفهم قدمي تسوق المطيه اللي يصلّح بن واللي يصيدون واللي على الخوّه يداري خويه هذا وانا يانجد مغرم ومفتون لو بس اسيّر في ربوعك شويه كنّي غناوي مالكٍ مال قارون يوم اتمشى بالفياض النقيه من لاعرف نجد العذاء عاش مسجون لو كثر الاسفار صبح وعشيه |
مبطي من شوفة اللي ما صدفها كل باير الثياب العاريه تموت ما تلمس جسدها حرة ما فاولوها بالعصا والدم فاير وعزة اللي عز نفسه بين خلق الله وجدها والبطا لو زاد عن حده على الرجال جاير كل نفس ما تحمل في الحياه الا جهدها وانا رجال اعتصم بالله واكن السراير وكل نفس عا هدتني حالف ما انقض عهدها |
العقل زين الشوير
والصبر باب الانفراج عفو باب كريم وشرح باب الانسجام النمر1012 |
يغريني الحلم يوم الواقع أجهدني قلت الزم الصمت نفس الصمت كالعاده ياحارس الحلم هذا الصمت وش يعني؟ لوهو طموحي تجنّى وأعلن حداده ماقلت للصمت في ليل الدجى زدني واقول هات الحكي يلبسني قلاده ياماشي الخطوه اللي للأمل قدني ماشوف غير الشقا ينصب بي اوتاده قم واسأل العين عن دمعي وسَل جَفني للدمع قصه روت حزني وميلاده قلت انفض الليل/ ستر الليل لوعني ياصبح/ اسود /صباح الطهربك/ ناده من ينقل الحمل من متني الامتني من يعذل الحلم من هالطّفل وعناده شِح الامل في طريقي كان يرهقني حش هالالم عن صميم الروح واحشاده ياسائلي بالنغم والناي ساعدني نبض الوجع ينطرب لا سِمْعْ مياده كنت اعشق اليم بس الموج يرعبني صرت اشحذ الموج للميعاد لأمداده جيت اشعل الشمع قال الكنت ولعني وانفث كذا شي بدل الصمت واضهاده مليت ياصمت وان مليت طاوعني كل الألم ينتهي من طلقة زناده |
يا قلب.. طاعوعني.. إلى طعت.. طعناك تعلم بمضموني.. ولا هوب خافيك سهر طول الليل.. ياصبح.. ما ابطاك الخلق نوما.. والهواجيس تحييك عييت.. ياقلب الخطا.. كل ما أنهاك من لا تدجاري خاطره.. ما يداريك إن كان ما تصبر.. على كل ما جاك فالغوج.. لزم بالمسامير.. واطيك عينت.. وشك سوت بالأجواد.. دنياك اقفت عليهم.. من تدابير واليك وإن طعتني.. إقصر، ولا تزيد بخطاك الزود نقص.. وبالك النفس تغويك |
كل عام انتم بالف الخير عيدكم مبارك
|
قد لانكتب بعض الايام لكي لاتقراء الحروف بمعاني الخطاء لكل انسان تفكير
وصعب ان تقنع الجميع بما في تفكير من وجه النظر ك الان العيون ونظرات تختلف فعبر بما يدور بخاطرك لخاطرك النمر1012 |
مهما الليالي ماجملها من قصيده تحمل بالطياتها الكثير من المعاني
لايفهما أحد سوى أنت ياانا حديث لذاتي ليس لحد النمر1012 |
الصمت والصبر نوع واحد من التحمل
ماجملهما عندما نقتنع بهما ونتوكل على الله بهما لان الصمت عن حديث له لذه خاصه عندما يكون فيه نوع من صبر لكي لاتسابق سهام الراميه كشف ماوراء الحديث ماجمل ضحك احيان نسافر به لكي نسى مايحدث حولنا ونبعد عن الاهم هو الكتمان الصمت النمر1012 |
ملكوشه من احد المدونات عجبتني الابيات
لا تنشد عيوني ترا ما عاد في عيوني كلام قضت سوالفها وانا مجبور عنك ألدّها ما عاد لك في وسطها غير التحيّه والسلام أخذ السلام ولا تردّه .. والتحيّه ردّها ! ضحيّت لين أضحيت من حبّك سجين الإنهزام وانا الطليق اللي يصدّ الكايده ويضدّها |
ياقلب لاتشره على بعض الكلام وأحذر على هرج الضعيف تكايده الصمت حكمه ماتلحقني ملام وبأسباب صمتي تشتعل وقايده ليا حظر أسمي تسبب بأزدحام وأن غاب تبقى جمهرتهم سايده الحمد لله كاسب ٍ كل إحترام ومن قوم والله ماتهاب الكايده ما كسبت إلا رفيعين المقام وما خسرت إلا القلوب البايده روووح يا قلبي تعلى للغمام ما ورى طرد السوالف فايده |
ياكثر ناس(ن) يدعون الصراحه واهم الصراحه ناس ماهم صريحين ومن ماكذب الله يسعد صباحه واللي كذب الله يصيبه باثنتين من الزمان الله يكثر اجراحه والله يزيده مع اجراحه عمى العين والصاحب الوافي يحقق نجاحه وانته عساك من الرجال الوفيين وياصاحبي ان جيت شوفك افراحه وان رحت خلاك الولي للمحبين هذا الصحيح ومنك نرج السماحه ونبقى على حبل الوصل مستعدين |
وانت يا طب المهايم يا غلاثه من غرورك ما تخاف الله فيني مدني بالنور ياسر انباعاثه نور وجهك خير من ظلما سنيني بانيٍ لك قصر في قلبي وأثاثه لولو الغبه وعاج الرافديني لو سكن به واحد غيرك وكاثه مالحقني من خطاك الا ونيني الخطا خطاك وحدك واكثراثه من يديك اللي تهرب من يديني أدري ان الحب ما يأتي وراثه وانت حبك وارثه من والديني حطها في صلب صدرك عن دماثه كلمةٍ ما قلتها بينك وبيني لا تخليها مثل شعر الحداثه تضرب المسحوب في عرض الهجيني |
قصيدة الشاعر/ مفرح الظمني المطيري
بصديقه/ فلاح بن عبيسان الحميداني راكب اللي و أن مشى يقدح شراره***منوة اللي باللزوم مطرشينه جيب لاندكروز مسقوف الغماره***مشترينه بالثمن من بايعينه ما يهمه برد جوه و الحراره***صانعينه عن خرابة كافلينه سايقه فني ماهو سواق طاره***لو يطول الخط ما يخلف يقينه من كويت العرب عنوان الحضاره***يلفي الحقباء لشيخٍ منتوينه عند أبو هابس مقره و اعتباره***مدهل الشجعان ذباح السمينه كاسبٍ بالطيب عزه و أنتصاره***مانشد عن قول ناسٍ قايلينه شيد المبنى و طول في جداره***عن عواصيف الزمان مجودينه أشتهر بالطيب و أعلن بأشتهاره***ما قفل بابه عن اللي زايرينه و قعوا له بأمتحانه و أختباره***بالشجاعه والكرم و أمور دينه مثل عدٍ يعطي الماء بالغزاره***ما نشدجمه عن اللي قاطنينه جاذبه عودٍ رقا راس الزباره***ينطح الشجعان ويفك الضعينه تبعه عوص النجايب في مزاره***كم قطيعٍ بالفلاة أمصبحينه قلتها من قلب و أعلنها جهاره***يا عسى يبطي وتبطي به سنينه من زرع زرعٍ يبا يجني ثماره***ما خسرنا زرعنا اللي زارعينه يا فلاح أيامنا فيها أستداره***يوم ترحمنا و يومٍ مستهينه أن زعلنا وقتنا عوّر عواره***و أن سكتنا حكم ربي مرتضينه يا عشير مدللٍ يطوي جماره***ما هوت غيرك وبالمذهب حصينه خل فيك من الدهر عزم و جباره***ما كتب لك جاك من زينه و شينه دام خط الطيب ماشن بك قطاره***لا تسمّع هرج شنين الرّطينه والله إنك غالي والعلم أشاره***وافيٍ قدرك وحنا حافطينه لا يصيبك شك يا مخثر بهاره***الليال طوال و الرفقه متينه بسم الله الرحمن الرحيم القصيده من كلمات الشاعر/ فلاح بن الحميدي العبيسان الحميداني المطيري مهداة لصديقه الحميم/ مفرح الضمني المطيري.... الموقر يا مفرح جيتني عجل الزياره***وجبت عذر وقلت عذرك قابلينه لك ترى ماني بهاب من الخساره***كل غالي لجل غالي مرخصينه جعل يفدونك منقبت الجحاره***كل درب فيه طيب مجنبينه يا بو فيصل ياسند ضيفه و جاره***يا رفيقن طيب فعله خابرينه أخذن بالطيب لك تسعين غاره***ما أكتفيت بطيب ورثن كاسبينه أخذن طيبك بيمناك ابمهاره***و الرفيق برفقتك مالن يدينه يوم بعض الناس رفقتهم عياره***رفقته مثل السراب لواردينه و أنت رفقتك الوفا فيها شعاره***رفقتك فيه الوفا لمدورينه الرفيق برفقتك يلقى وقاره***معه في جاهك ومن مالك تعينه ما تغير عن هوى رابعه مساره***مفرح الظمني خذا الطيب بيمينه بين إبن ضمنه و بين أخوان ساره***بالفعول وبا لأيدين مشبحينه معه رفقة عمر ماشفنا غياره***دايمن جديد و الرفقه ثمينه أخذان طيبه ومن راسه قراره***ما عليه من الضعوف وحاسدينه لي رفيق ورفقته عندي تجاره***و عند ناسن رافقوه و عارفينه دوم ما تطفي عن الماجوب ناره***و النشاما كل ساعه ناحرينه ومجلسن من طاعة المولي عماره***و هله من كل خير معمرينه يارفيقن ما خلط حلوه مراره***فيه من صاف الذهب و الماس عينه صافي الرفقه وفعل الطيب كاره***ما يطلع جاهل المبدأ خزينه يابو فيصل صاحبك طال إنتظاره***باغين سمرة خدينن مع خدينه يوم نسمر و القلوب بها طهاره***و من حضرنا يا ثنين مونسينه يوم يمضي الليل ساعة من نهاره***والسنه بحساب ليلن سامرينه عندنا الدنيا مثل قطف السجاره***ولا حسبنا المال ناسن جامعينه يوم نرمي بالصحن راس وفقاره***و ماكسبنا بالأيدين مقلطينه ليا لفا ضيفن نبشربه بشاره***يا حلو هكا الزمان و عايشينه يوم عشب الوسم نركض مع خضاره***كم زهورن من زهورن قاطفينه إنتهت وتعيش يا نمر النماره***كل وقتن له لباسن لابسينه |
نبدي اول شي بقصيدة صقر النصافي ياعلي
يقول صقر النصافي.. ياعلي خل العيـد لام الدناديـش اللي تفرك كـل يـوم ٍ جسدهـا تبغي تماري ناقضات العكاريـش في كل ملفـاح ٍ تنقـض جعدهـا العيد عيد الله ولو فـات حتيـش من حسبة أيام ٍ يمـرك عددهـا نبي نعلمك المساري على الجيش تمشي ذلولك لين يفتـر جهدهـا خابرك مانت بضاري ٍ للمطاريش نبيك تونس حلوها مـن نكدهـا ليله على مسرى وليلهٍ مغابيـش وليله نخلي نومها لمـن رقدهـا وليله على تمره وليله على عيش وليله نوكلك الشحم صيـد يدهـا ياعلي لاجيت العرب لاتجي ديش خبل ٍ ليا جاب السوالف سردهـا إحفظ لسانك لايجي فيه تبطيـش صبح عيونك كايـدات ٍ رمدهـا يجيك من ينشدك نشـدة تقتيـش يبـي يسنـع هرجـة ٍ يعتمدهـا خله يقوم مفلت ٍ في يـده ريـش يروح منك وحاجتـه ماوجدهـا ترى دعابيل الخبـول الفوانيـش تبدي بما فيهـا ولاحـد ٍ نشدهـا يجيك واحدهم يـورّش توّريـش عجاجته يسبق مطرهـا رعدهـا ولا لعمقات السوالـف مناقيـش قراية الكلمه علـى أول عددهـا تجي سوالفهم بضحـك وتبهيـش وقلوبهـم محـد ٍ يفكـك عقدهـا وثاني شي قصيدة الشاعر مرشد البذال مناجاة طفل يناجي ابنه لما كانت ام الطفل في المستشفى وصراحه والله اعجبتني كلاماتها وانا داري راح تعجبكم يقول مرشد البذال.. الورع عيا لا يوافق علـى النـوم ............... قـام يتهشـم ويتزايـد عويـلـه ادوج به وسط الدكاكيـن واحـوم ............. ادور اللي يشتهـي واشتـري لـه واذا نشدته قـال ماعنـدي علـوم ............ يقول ابي امي والسوالـف قليلـه مالي على شيله جـلاده وتعلـوم ............. مير الدهر خلانـي اليـوم اشيلـه ياعبيد لو أمك بهـا قـوة عـزوم ............ الورع والله ماعترض في سبيلـه انـك لتلقانـي مكفـي ومحشـوم ............ وهـي بشوفاتـه بصيـر دليلـه ياعبيد انا يابوك ضايق ومهمـوم ............ أضحك وفي كبدي سوات المليلـه أضحك واوسع خاطري وابعد الحوم ........... واطلب عسى تالي العواقب جميلـه شكواي للي يفرض الحج والصـوم ............ والا البشر ياعبيد ماينشكـي لـه ماجور ياللي بالطبيب أمس واليوم .......... الله يجيرك جعـل ماهـي طويلـه ياصاحبي لوكان بالبيـع والسـوم ........... كان اشتريـك وتشتريـك القبيلـه لاشك مادبر على العبـد مقسـوم ........... حيل الله أقوى ما باليديـن حيلـه ياعبيد أنا يابـوك مانـي بمليـوم ............... الغبن غبـن منقضـات الجديلـه بعض النسا ياعبيد تقنيهن القـوم ............... واللي كسبها قـال عنـدي حليلـه لي صاحب في وقتنا اليوم معـدوم ............. اليا فقدته وين ابـا القـى مثيلـه عذروب خلي شارةٍ فيـه مرسـوم ........... يتبع غضب نفسه ويرضي قبيلـه والجار يبطي ماشكى منـه مثلـوم ............ ولاهي علـى رواد بيتـي بخيلـه ولاهي من اللي تطرق النزل وتحوم ........... دايم على الفرقان يومـي شليلـه الله يرحم شعرائنا الذي اثبتو لنا الشعر وقيمة الشعر رحمك الله ياصقر النصافي ورحمك الله يامرشد البذال تحياتي لكم |
رد ثناء من الشاعر الكبير سعدان عابس الرشيدي الى عبدالعزيز حامد السليمي بيض الله وجه ابن حامد مساق الطيـب دايـم السليمي والحروب بهـم نقـا خـوه وجيـرة موقـف الطيـب تبينـه الحقايـق واللـزايـم ينكشف جوهر نقي الـذات ويبرهـن ضميـرة برنـي عبدالعزيـز بوقفـه تجـلا الوهـايـم بالوفا والطيب والمعـروف والوقفـة جديـرة سـاق برهـان الصداقـة للجدايـد والقدايـم ماحسب في الموقف الحساس ويش اخر مصيرة ماتجاهلني وفـاه ولا خشـى مـن لـوم لايـم مد لـي يمنـاه طيـب بالسـلاح وبالذخيـرة وقفة الطيـب تشرفنـي ومبـدا العـز قايـم والصديق اللي مثـل عبدالعزيـز الله يجيـرة من هل الحقد الدفين مروجـت سـود الظلايـم الرخـوم الناقصيـن اللـي مباديهـم حقيـرة اعرف الفكر المريض ونظرة الـدون الهلايـم واعرف الطيب بطيبه واقتدي بـه واستشيـرة ماتجديـت الضعـوف ولا تسمعـت النمـايـم والصديق احفظ له التقدير واعطيـه السريـرة والله أني ماجحد اهل الطيـب مهديـن الغنايـم دام راسي حي حي ودام فـي ذهنـي بصيـرة والرجال عقـول والا عـودت مثـل البهايـم والعوافي يستظـل بظلهـا نـاس (ن) كثيـرة مجاراة الشاعر الكبير/ حماد مريزيق البشري للشاعر الكبير / سعدان عابس الرشيدي هاضني قافن سمعتـه مايطولـه كـل سايـم دون تاجه يقصر الخواف ابو يمنـا قصيـرة ما ادركه غير ابلجـن قـدم لوقفاتـه تمايـم شبل اسود (ن) يعرفون ان صارت القاله كبيرة فاز به عبدالعزيز اللي لفعـل الطيـب شايـم ابـن حامـد مايسـد بماقفـه رجـال غيـرة جعل يفدونه حضات الـزور وطيـور الولايـم قاصرين العرف والمعروف فرقاهـم ستيـرة السليمي راس مـن روس المقاديـم الهمايـم من قبيلة حرب ريف الضيف والعاني تجيـرة الخـوي والجـار معهـم ماتمثنـاه الهضايـم يغضي الطلاب عن شوفة تقل عينه ضريـرة المواقـف للقبيلـة تـاج والبـورة قسـايـم للردي تبقا كمـا البصمـة بتاريـخ العشيـرة قلتها مجاراة طاروقـن مـن خيـار الوسايـم جاد به سعدان ابن عابس طواريقـه مثيـرة شاعرن لـه بالثنـا وقفـات يجلـن اللوايـم اشهد انه من رياجيل الوفـا فعـل ومسيـرة من قبايل عبس ريف الضيف قطـاع الخرايـم اهل الكفة لهم تاريـخ فـي وسـط الجزيـرة |
|
|
|
أن كان تبغى لك قصيده جديده خذها وفيها من الوفى ماله حدود لاصرت متعافي وحالك شديده أحذر تهاب ولاتجي كل منقود وأحفض عهودك وأكتم اللي تريده قدام لايركض بها كم مقرود الصبر طبٍ فالسنين الشديده أليا أختفى ذعذاع الأرياح والنود لاتشتكي ياصاح يم البديده لو الدهرسوى على كبدك الهود اشتك على اللي حكمة الملك بيده ياما جعل عسراتها اسهود ومهود ينصر عبيده مايخيب عبيده مدامهم لرضاه ركاع وسجود |
|
انسكاب التّبر من عين الغـروب
بانغماس الشّمس في عرض البَحَر واضطراب الموج باسباب الهبوب لم يشكّل خوف لاعمـاق الـدُّرَر مزجي التبجيل بالمزن السكـوب يسبح الآفاق واصطـاد الصُّـوَر يا الله استغفرك من كل الذنـوب وا تقرب لك بكـم بـوح انتَثَـر |
علميني كيف غِيْض البوح و اسبح في رضاك
السَّحَر أرهق ضميري يا بدايـات الأصيـل التفلسف من طباعك والتـأدب فـي رجـاك وا تتلمذ في فصول الصّمت والوقـت الدليـل إن نثرتيني مشاعر كم نظمتـك فـي سنـاك استقيتينـي صبابـة والظّمـا ذوق العلـيـل همسك المبحوح شكّلني شغف حاط بْصـداك و استفزيتي سكون الليـل باللحـن الجميـل من يلوم الشّامخ أن غيّـر مفاهيـم العِـراك اضطراب الوجد والوجدان في جوف الخليـل كل يوم يفيض قلبي حـب ولْسانـي جـلاك اصطفاك ولا بيسكـن فـي سويدائـه مثيـل التـأوه زادنـي آلام و احرقنـي غــلاك كلّما قلتـي كفايـة قلـت ذا طبـع البخيـل اجمعينـي بالوئـام وطببينـي مـن جنـاك احتضنت الهم لأجلك رغم سطوته . الدخيـل امطريني عطر وصلك و انعشيني فـي رِدَاك افسحي ساحة أملنا عتّقـيْ الصّبـر الطويـل يا دليلي كيف أدلـك بعدمـا تهـت بْهـواك ما نسيـت إلاّ تجاهلـت أبتغـي ودّك يميـل |
|
معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا تعلّم وإعرف إن الدرب قدامك سهـل وجبـال جبـال تطولهـا وجبـال بعيونـك تخايلـهـا ومعوّض خير ياحيٍ وردت الماء بدون حبـال يطول بك الوقوف وشربة المـاء ماتحصّلهـا وقوفك عند راس البير مايسقيك لـو فنجـال ولاينفعك شوف الجمـه اللـي منـت طايلهـا ومعوّض خير ياحيٍ خدعك من الرجال أشكـال تشوف أشكالها وتحطها أرفـع مـن منازلهـا تعلّم من زمانك لاتصير مـن أجهـل الجهـال ترى في كل يـوم تجيـك عبـره لاتجاهلهـا إذا ربي وهب لك عقل تلقى في الرجال رجـال تعرف اللـي يطلّـع قيمتـك واللـي ينزلهـا ترى من بعض مايندي الجبين ويحرج الرجال لياسـاق الميانـه فـي نفـوسٍ ماتقبّلـهـا ومهما شفت في صاحبك من نخوه وطيبة فال ترى بعض السجايـا كثـرة الإلحـاح يقتلهـا معاريف الرجال ديون وديون الرجـال ثقـال لياصرت متعافي ليش تغـرق فـي جمايلهـا رصيدك في حياتك سمعتك مع طيبيـن الفـال رجال الطيب والمعروف بالمعـروف عاملهـا ولاتبدي بجاهـك فـي مقـامٍ مايسـر الحـال ولاتشفـع لنـاسٍ ماتنومـسـك بفعايلـهـا لياجاتك تعذّرهـا مـدام العـذر لـه مدخـال ووقت الجد قول الهـا الصحيـح ولاتجاملهـا وخذ منـي نصيحـه لاتصـدق كـل ماينقـال يجـرك للنميمـه ليـن يطرحـك بحبايلـهـا يجيلك ناقـل النمّـات بهـروجٍ تغـث البـال سوالف في قفاك وحظك أطيب يـوم تجهلهـا يبـرر بالحميـه والصداقـه شينـة الأفعـال يجمّـل صورتـه بعلومـه اللـي ماتجمّلـهـا ولو كانت حميه فيك رد المخطيه فـي الحـال ولاكان إستمعها فـي قفـاك وجـاك شايلهـا ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا تجنّب مجلسه لاتجلس إلا مع كريـم خصـال تحمّـل ميلتـه وإن ميلـت ميلتـك ينقلها ولاتصبر على الجار الردي لوهي ثلاث ليـال تضـرك جيرتـه لوكـان بيبانـك تقفلـهـا وبيع الدار بأول سومةٍ تعرض علـى الـدلال ورزقـك عنـد ربٍ كاتـب اللقمـه وكافلهـا وبنتك لاتزوجها الردي لوهـو كثيـر المـال تربيهـا علـى الطـالات وتشـوّه سلايلهـا وكم من لاش يرمي خيبة إبنه فوق راس الخال لوإن الخال من روس الرجال ومـن دلايلهـا ليامنك عرفـت تميّـز الطيّـب مـن البطـال وفادتك التجارب في الحيـاة وفـي مسايلهـا وكشفت الفرق مابين الصحيح وحيلة المحتـال وتعلمت الفراسه في الوجيـه اللـي تقابلهـا بعد هذي ترى مالك غنى عن صحبة العقّـال يدلونـك بـرايٍ ينقـض الدعـوه ويفتلهـا يقولون الرجال اللي سوالفهـم حِكـم وأمثـال ليامن ضاعت الحيلـه يـدل القـوم عاقلهـا نصيحة واحدٍ جرّب وشاف من الزمان اهـوال يقدّم لـك خلاصـة هجـرةٍ جـرّب هوايلهـا |
بعض الطواري سببت ضيقة البـال وزادت على قلبي وقلبـي مهـوي والجفن حاربه الكرى قدله الليـال وقدهو على بعض الطرايق منوي والدمع من موقه على الخد همال لوينقسم علـى العطاشـا يـروي وصوت المعذب لاطرا هاجسه طال يشدي خلـوج ضيروهـا اأببـوي ظلمتنـي ياوقـت والظلـم لا زال وقامت لياليـك بعناهـا تضـوي حديتني على العنـا واشهـب الال واشبك تورينـي الجفـا والتلـوي واذا سبح فكري من الجال لا الجال قعدت اقزر من همومـي وشـوي فالله لايجـزاك بالخيـر جــوال لخبطت تفكيري وعكـرت جـوي اببتعدبك عن محطـات الارسـال وتحرم عليك الذبذبـه والمقـوي وان جيت لي في مرتع تو ما سال قربت معمالـي وشبيـت ضـوي ريح الثرى عقب المطر يبري الحال الليل قمـرا والسمـا فيـه نـوي اخذ مع الافكـار حلـه وترحـال واسري بفكري في ظلام ن مدوي اصد من مجلس ضحوك ومحتـال سنه صديق لـي وقلبـه عـدوي واصد عن هرجة هل القيل والقال العذل يضعـف والعزايـم اتقـوي والاصحاب مابديها على كل الاحول الله علم وش يرسم الوقـت تـوي فان كان ماعشت التماني والامال مع الظروف القاسيه ويش اسوي |
لله حكمه ... وخلق الله في سجه والعالم الله ... وحده ما معه ثاني ياشوف عيني بسيل(ن).. زايد(ن) غجه كنه يجرح نفود القاع بالعاني باخاوي .. الحرف واخذ لي....معه سجه والشعر نعمه ... بها تخفيف الاحزاني بعض المواقف تعل القلب ... وتلجه وشوف الخطاء يوجعك قدام الاعياني يا محامي العرف نج المتهم نجه لا صار في يدك ادلة جنحة الجاني اورد ... المنهج الواضح معي حجه واواجه الوجه ... الاغبر... لا تبلاني واعلمه بالسنع... واطاه ... واخجه الين يذعن .... ويلعن كل شيطاني واطلع الصافي من الماء.. قبل رجه ولا علي من كلام افلان... وافلاني وارافق اللي يجي كله ....الى وجه هو لي وانا له بوقت الضيق ينخاني اللي الى ضاعت الارياء..... له اتوجه صافي(ن) معي في قسو الوقت ما لاني واجنب اللي يضيع... صيده بعجه اللي فعوله معالى.. صوت... والساني امسولفي(ن) ...ربيعه ... صجه ولجه ويروغ لا من ....غداء ...بالجو دخاني كب الردي ( المسمى) ...بالعرب دجه من قاصي الناس والا داني(ن) ..عاني وبيت الشعر ما يذري.... دام به فجه لا هب برد الشمال..... وليلها داني والصيد لامن... تذير ... يزبن اللجه والنية الرايغة ما هي.... بتخفاني يا هيه جنب طريقي ..والزمل هجه جاك الخبر والزمه ... لا تعترض شاني كله ال عينا... قروم(ن) جات محتجه وتمنعني الشيمه... الطلقين الايماني |
ياوجودي وجد من قيله يحسن عزاك في عضيده تاج راسه حزامه مسنده مخبله لامن طلب شي قال اخذه افداك اشهدانه طاح سيفه وحول من يده بشوفتك ياللي جرى في شراييني غلاك شوفتك هيه غناتي وقلبي تسعده قاله اللي لو تناسيت حبه مانساك ومن سعى بفراقنا جعل ربي يجهده لحظه من الماضي |
| الساعة الآن +4: 01:31 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
