دام الزمـن عقـد عليـنـا حجـاجـه=كل ما يسـوي لازم نقـوول مسمـووح
ماينفـع المشتـاق كـثـر احتجـاجـه=دام الجفا في شرعكـم صـار مبيـووح
كل مـا هقيـت انّـا قريـب انتواجـه=القاك يـا خلّـي علـى البعد مشفـووح

يشتاق لـك قلبـي وتشتـاق عينـي=واوله على همس الشعر من شفاياك
همسك يبدد هاجـس الشـك فينـي =شف وشكثر قلبي على البوح ينخاك
أسكب شعورك لي عشق وأحتوينـي=وانا أشعل أشموعي وله وأتحـراك
ابيـك كلـك فـي يقينـك تجيـنـي =وتاخذ وتعطيني غلا كثـر ماجـاك

اللي بقى لـي مـع الأيـام وفّيتـه=والضيق لـو ينهمـر تشربْـه وديانـي
ماهي كبيـره علـي والحـزن غنيتـه=وْلاهـي غريبـه إذا وقتـي تحـدانـي
الخوف يا من نبشت القلب وادميته=لاعشت زهرة شبابك وانت وحدانـي
كم جرح خذْته من الأحباب ضمّيتـه=وجروح قلبـي زكـاة لْحُـبّّ خِلاّنـي
مطعون عاااادي جفا الأقراب داويته=تعبان مبطي ردى هالحظ خاوانـي