قلت اتولم للـ آلفراق وبكيتي=في ذمتي امزح معك ماتولمت
حبيت اثيرك بس شـ اللي هقيتي=ياليتني قبل ازعلك ماتكلمت
كان اشتعلتي لـ الفراق و طفيتي=قبلك انا ياما اشتعلت و تالمت
وش جاك من دمع الغرام استحيتي =ياوقت وقف بي هنا لوتكرمت
هلي السوالف وش علامك سهيتي =مابي اضيع ليلة القاك بـ الصمت
أشب و أضوي وأحترق لاسريتي=وأضيع لا سلم خيالك وسلمت
ويضيق بي كل الفضاء لامشيتي =و اضيق لكن لا ذكرتك تبسمت
توك ضحكتي هم رجعتي و بكيتي =والله كنت اضحك معك ماتولمت

البـرد ماحـسّ بعذابـي وشكـواي =ولا لقيت إلا القصيد أشتكيله
وإنـ كان ماهمّـك غيابـي وفرقـاي= شف غيبتك ياهي وربّي ثقيله

سكـاكيـن البشـر تنهـش قفاي وخـاطري مفـلوت=ولا اقدر اثني الشـوفه لـهم والإذن سمـاعـة
أخـاف ألقى أصدقــاي بـ وسطهم والمـوت كل الموت =ألاقي ربـعي التـابوت والأيــام أوجـاعه