تنشد يالمعزب وانت مابينت الك شهرين= وانا من غيبت رجال الضحاوي ظايقن جولي
ادوج بالبلاد من الضحاء حتى تنا م العين = يروح اليوم مع ليله وانا واقف على طولي
ماشفت من الكهول اللي ليا من شفتهم غالين= سوى غازي لمحته مثل طرقي شافله زولي
ربوعي روحو ماباقن الا بذكرهم ثنتين = كلامن يكتبونه والوفا معهم قبل حولي
وذا الحينه عس الله يستر الاحوال قول امين= وطبعن بالحياه يروح نزل وتاتي نزولي

سلام الله على عداً قبل شهرين طبعه غير=مثل هداج تيما بين والراده وصداره
وهالحينه معه ياخذك طول الصمت والتفكير=قليل اللي تبي تاخذ من اهل الموقع اخباره

يدوم ابك البقا يالشايب اللي في علومه خير=وانا محتاجه الليله ينورلي من افكاره

اشوف الناس مجتمعه ياغازي تطلب التغيير=واخاف الطق يلحق عمدة الموقع مع انصاره ههههه

ترا من بيننا الفارق يبين بلوحة التصوير=تشاهدها بشوف العين ماتحتاج نضاره

عواصيف الزمان اللي ياغازي شلت التعبير=صحيح ان الليالي ياوسيع العرف دواره

يقولون العرب ناصر يحفض السر وسط البير=ولا عمره مع العربان ناصر بيح اسراره ههههه

بقو فيها بعد ماغادرو شرايد المعصير= طحاطيحاً تصد القوم غاره من ورا غاره

ترا الطيب سوات المسك والخيب سوات الكير=وانا شايف خويك مثل من في ايديه عطاره
علوم مفسره وعلوم مايبغالها تفسير=وانا ضنك سوات اللي لاضاعت يتهم جاره هههههه

السلام عليكم ورحمة الله وبركاته
صح السان الشاعرين المعزب وغازي ابداع