أمانـه لا يجيـك الشـك ولايوهـم تفاكيـرك=أنا كل الوفا والعشق أنا من عـزك وأغـلاك
أنا من عاهدك و أوفى في عشقك مابي تغييرك=أنا رغم الظروف اللي تباعد بيننا ما أنساك

حبيبي ايه ماتدري وشـ اللي داخلي مكنـون =جيوش أشواق مع لهفه خفيته فـي شرايينـي
خفيته خوف لا تعلم حبيبك فـ الهـوى مجنـون=تصدق صرت اهذريبك ما غير إسمك يحاكيني

أسمي كل ما مرت علي بـ أسم الله الرحمـن =على من تجمع قلوب الأوادم في محبتهـا
لها القلب وغلاه ورحمته والشوق والتحنان=ملاك أبدع الرحمن في تركيب صورتهـا