لمت نفسي ولامني وقتي معاك =شتكي من هم وابكي من الم
يا خطاي اللي توافق مع خطاك =ا سلم حبي ولا حبك سلم
انت اعز الناس ما تجهل غلاك =عتقد هالحب ياتي من عدم
كل ما مروا علي هذا وذاك =كلهم لا شي وانت اللي االاهم

الله يا محلى بيوت القوافي =دام الشعر في وصف الاحباب مطبوع
بهديك عمري لو غدى العمر كافي=وآمر وانا لك يالغلا سمع(ن) وطوع
اهواك يا عمري وهذا اعترافي=والحب ماهو للمخاليق ممنوع

انا رفيق الجرح من صغر سني=والجرح له في داخلي الف عنوان
ياسيدي! هم البشر صار مني=واصبحت انا تمثال لهموم انسان
كل الوجيه تشابهت حد ضني=ماعاد اميز بين صادق وخوان
ياصاحبي لاتنشد الجرح عني=كل السوالف كذب صمت وحرمان

فوق الجروح اللي بقلبي من سنين =يكفي دخيل الله لا تجرحوني
ما دامكم مانتم لجرحي مداوين =انسوا وجودي بينكم واتركوني
وش من عذابي والعنا مستفيدين=وش مصلحتكم يوم تبكي عيوني

تعال مالي بالمخاليق غير انت=لا يبعدك طيش العتب في جنونك..
أنا معك كلي عطا وين ماكنت=قلب ملكته لاحشا ما يخونك..
مهما حصل مني ومهما تسلطنت=وش هي حياتي يا حياتي بدونك..

لا تقول واحشني ماهي سالفة شوق=ماهونت كلمات شوقك عذابي
حتى لو انك قلتها بمنتهى الذوق=رديت عن ذكرى لياليك بابي

غايتي ومناي بالدنيا رضاك=لو يقولون العرب صابه جنون
لوجفوني من نهوني عن هواك=ان رضيت يصير فرقاهم يهون
لو تغيب سنين قلبي ما نساك=لو تعذبه المواجع والطعون
حالف منساك لو بعدك هلاك=ومن حفظ عهد المحبه ما يخون

قلبي واعرفه ما يفيد الرجاء فيه=لاحب حب ولازعل حيل قاسي

لك الله ماتبرى جروح قفاها كي= ولاينشرح قلب به البين يجتاحه
وانا حالف مانسى غرامك مدامي حي= ابا اصبر لون الهم قلدني اوشاحه

بعـد ليـلٍ سريتـه والنجـوم البيـض تسخـر بـي=تلحفت الظلام , وقلت : يا ربـي متـى القاهـم ؟
اجر خطاي ودروبي خذتني دون ما اشعر بي !=ومـع بـاب الامانـي الواسعـة ذي جـرة خطاهـم

ان قلت احطك فوق راسي واراعيك=اقول برد وشمس والزين حساس
وان قلت احطك في عيوني واداريك=اخاف احجب النور عن باقي الناس
وان قلت في عروقي مع الدم اخليك =اخاف يقطر دم مني وينداس

مهما نطقلي بالمشاعر لسانك = شي بدون احساس مااقتنع فيه
احساسك المصنوع خنته وخانك = جاملتني به وانت تجهل معانيه
مني نصيحه تنفعك في زمانك = الا شعورك لاتبيعه وتشريه
كانك تقدر قيمة الحب كانك = اللي يودك لاتحاول تعنيه
ياكثر ماحبك فؤادي وصانك = مع كثر ماتبعده كأنك تناديه
غيرك امانه خوف والخوف اماتك = ماكل من راعاك تقدر تراعيه

ياظالمـه لنفسِـك بـزود الميانـه=عنـدي تـرى والله لا ماتمونيـن
بين الكرم شعـره وبيـن الإهانـه=وبين الرجا والياس كلمه وحرفيـن
إن ما مشيتي درب واضح بيانـه=ما امشي على دربك ولو لي تعبدين

والله أني كنت ألوم اللي يضيق أن غاب خله=لين جربت المحبه والفراق وقلت"تــوبــه"
لعنبو جد المفارق فيه هم وفيه لذه..!=أثر كل الحب لذه والفراق((( أكبـــر عيــــوبه )))

ياراقي الذوق مافي خاطرك بده=مادام قدرك رفيع ومنزلك عالي
ماقلت هذا الكلام وغلا وأنا قده=ماني براعي علوم مالها والي
وإن كان تبغى كلام مانبي رده=إن ر حت وإن جيت تبقى(وافي وغالي)