ياقلب وش فيك ما تعزم على التوبه=مادام من حب وأوفى بالهوى كافر
خل الهوى ياخفوقي ماأنت من ثوبه=وارحل وهاجر ترى يرتاح من هاجر

كن في عينك من العشره اليا باريتني=شي اقل من الحيا بعيون ضيف وعازمه
ليتني لاجابو اسمك ياحبيبي ليتني=تشرب الذكري بعض عيني وعيني حازمه
انت لودليتني فرقاك .. مادليتني=دام حبك في جبين الليالي واسمه
لك بكي جرحي قصيدي وانا ما أبكيتني=آه ياحر الوجع في النفوس الجازمه

موت الضمير أكبر معاناة الأحباب=وقطع التواصل موت بإسلوب ثاني &

ودام الزمن سكر على وجهي الباب=منهو لها أشكي دام هذا زمانــــــي

خيره وجتني وصار فرآقنا بدري=لو أنها خيبت قدامي ضنوني

ياليتنا نجفا مثل باقي الناس=و(نكسر) خواطر من كسرنا و (نقسى)
لكننا من كثر مانملك أحساس=(نجبر) خوآطر من كسرنا و (ننسى)

في هالزمن لا بد تعرف (حقيقه)=لا صرت طيب دايم (تروح فيها)

جيت أنزعك من جوف قلبي (وأستحيت)=(عشرة عمر) مانيب ناسي دورها
وأن كان عن (المشاعر) مادريت=الشمس بكره ينكشف لك نورها