البارحه ضقت وأثر البارحه غبره=مدري بكى حلم وإلا ضاعت أفكاري
هي تنتدبر أو أقفت مابها دبره= لايازمن منهو البايع من الشاري
بالقلب ماتعرف العبره من العبره=وبناظري غيمة ٍ ماتمطر أسراري
وأن بار فيني رفيق ٍ كنت معتبره=أغلا من الروح مانزلت مقداري

ماعاد انا جمر تطفيني وتشعلني=شوقي ليا أطفيت ناره صعب تشعلها
أنت أول انسان يعرفني ويجهلني=وأنا اخر انسان عنك الناس يسألها
وشفيك حتى على نفسيى تزعلني=وانت السبب في محبتنا من اولها
كافي تغلي دخيلك لاتمللني=كثر التغلي ترى نفسي يمللها
وان كان قلبك نساني لاتجاملني=الكلمه اللي تريح خاطرك قلها

تــوك تـذكـر مــن يـعـزك ويغـلـيـك=الـلـي يـهـمـه كـــل شـــي بحـيـاتـك
ماهـو حـرام اتعـذب الـلـي يحاتـيـك=اثـري كـلامـك غـيـر حـبـك لـذاتـك
مانـي مصـدق كـل مـاحـل طـاريـك=تنسى مـن اللـي وسـط قلبـه غلاتـك
صحيـح ضيعـت الـذي كــان بيـديـك=الـلــي يـحـبــك مـاتـهـمـه حــلاتــك
يعنـي تجـي وتـروح وتبيـع شاريـك=وتبغـى بـعـد جـرحـه يلـمـم شتـاتـك
لا لا تـحـاول راح مـاعــاد يـمـديـك=إلا اذا رجـعـت مــن وقــت فـاتـك

انتي وانا قصه كتبها الوقت مثل السلسله= قاست تلاويع الزمان اللي على قلبي بدى
وضاعت اصول الاجوبه ماباقي الا الأسئله= فيني وفيك وجفت الاقلام مافاد الندى
حتى وحتى لو ليال العمر جت مستعجله= مثل ليالي غيرها عدت ولا جوي هدى
احيان قوه ارفضه واحيان غصبٍ واقبله= واقول لو راحت حياتي لاجل محبوبي فدى
فيني على قسوه زماني مرجله من مرجله= اطى على خشم الحسود وكل شيٍ له ادى
احب قصر السالفه واكره مدود المرحله= لو نلبس الظلما نهار ونرتدي حظ الردى

حتي جروحك اطالعها ماقول ابري =احتاجها بالفراق تصير تذكاري
وانا دخيلك قبل ماوااادعك واسري =لاروح غلطة زمن ويقل مقداري

هذي بداية صفحتي صارت يسار=من كثر كرهك قمت أخالف طريقك

شعرٍ عجز دونك خسارة قوافيه=وحبٍ بليا شوفتك ويش ابي به

تلعب بقلبي لعبة الطفل بالطير=يضحك وطيره ميتٍ في يدينه

قال السراب وقلت ظامي لسـرابه= قال الهلاك وقلت لعيون الاحباب
يا لايمي في حب متـرف شـبابه =الموت حق ولاتبـرق بالاسباب

قلبي واعرفه ما يفيد الرجا فيه=لاحب حب ولا زعل حيل قاسي

كأنك تبي قلب يصونك ويحميك ="ابشر بقلب مايعرف الخيانة "
كأنك تبي شخص يحبك ويغليك ="ابشر بشخص ينتظرك بحنانه"
كأنك تبي عين تهلك وتبكيك ="هذي دموعي واعتبرها امــانـة "